كشف محمد، سائق ميكروباص المحلة، ضحية الطعن من أحد الركاب بسبب خلاف على الأجرة ومبلغ 50 قرشا، ما تسبب في إصابته بـ 100 غرزة.
وقال محمد إنه نشب خلاف بين الراكبين بجانبه على 50 قرشا لعدم وجود فكّة معه، وحاول إنهاء الخلاف كونهم كانا يتلفظان بألفاظ خارجة، موضحا: قولتله متشتمش علشان العربية فيها ستات ولو عاوز أجرتك خدها كلها.
وأضاف محمد، أنه فور وصوله إلى الموقف نزل هذا الشخص من السيارة ودفعه في صدره وسب جميع السائقين، مضيفا: السواقين جم علشان يضربوه بقيت أنا اللي بحوش عنه، وبعدها لقيته اتصل على واحد وقاله تعلالي دلوقتي وفضلت واقف جنبه علشان محدش يضربه لحد ما صاحبه جه خده ومشي، وهو راكب على الموتوسيكل قالي هقتلك.
وتابع سائق الميكروباص أنه لم يهتم كثيرا بالكلمة وأكمل عمله كالمعتاد، ليفاجئ خلال اليوم بباب سيارته يُفتح وينهال عليه مجموعة من الأشخاص بالطعن في فخذه وظهره وقدمه، مضيفا: فضلوا يضربوا فيا وأنا بنزف وروحت المستشفى بين الحياة والموت.. نصف جنيه مكانش يستاهل دا كله ولا إني أتخيط 100 غرزة.
واستكمل محمد: أنا طلعتله الفلوس اللي معايا كلها وقولتله خد اللي أنت عايزه علشان يرضى ويمشي.. أنا حاليا مبقتش عارف أتحرك وعايز حقي.
المصدر القاهرة 24
