تحدثت الفنانة غادة عبد الرازق، عن توقعات الفنان بنجاح عمله من عدمه، مؤكدة أنها بالرغم من نجوميتها الكبيرة ولكن ما زالت ترتبك في بداية التصوير بجانب حرصها على أخذ رأي المحيطين بها في أدائها.
وقالت غادة عبد الرازق، في ندوتها بالقاهرة 24: كل عمل بدخله مش عارفة هينجح ولا لأ، والمهنة بتاعتنا زي القمار بندخل العمل الله أعلم هينجح ولا لأ، بنعمل كل الإمكانيات وفيه أعمال مافيهاش غلطة وربنا مش كاتب لها النجاح.
وأضافت غادة عبد الرازق: إحنا بكل نجوميتنا بندخل العمل بنبقى خايفين وموهبتنا لازم نلمعها، ساعات بنقعد موسم كامل مش شغالين وبنبقى مش ممرنين صوتنا ولا أدائنا، وبدخل أول يوم تصوير ببقى أكني في امتحان وبقعد أقول يا رب اكرمني وادينا على قعد جهدنا وتعبنا واللي عايزين نوصله للناس.
آخر أعمال غادة عبد الرازق
وعلى جانب آخر، حققت الفنانة غادة عبد الرازق، نجاحًا كبيرًا في الموسم الرمضاني الماضي 2025، من خلال مسلسلها شباب امرأة، والعمل من بطولة عدد كبير من النجوم، على رأسهم النجمة غادة عبد الرازق، الفنان يوسف عمر، محمد محمود، محمود حافظ، عمرو وهبة، جوري بكر، دالية شوقي، والفنانة المغربية لينا صوفيا بن حمّان، حسن أبو الروس، رانية منصور، يوسف عثمان، طارق النهري، والعمل من إخراج أحمد حسن، وتأليف أمين يوسف غراب ورواية محمد سليمان عبد الملك.
المصدر القاهرة 24
